Wednesday, January 09, 2008

'Monkey' business !

ஹர்பஜன் சிங், சைமண்ட்ஸ் மேல் பிரயோகித்ததாகக் கருதப்படும் 'குரங்கு' என்ற வார்த்தை நிறவெறி சார்ந்த வசவு தானா என்பதில் மிக்க கருத்து வேறுபாடு நிலவுகிறது !!!  சில கருத்துகளைப் பார்ப்போம் !

1. ஹர்பஜன் ஹனும பக்தராக இருக்கக் கூடும், அதனாலேயே, பலம் வாய்ந்த சைமண்ட்ஸை (அவர் முதல் இன்னிங்க்ஸில் 162 ரன்கள் எடுத்த காரணத்திற்காக!) பாராட்டும் விதமாக, ஹர்பஜன் அவரை 'குரங்கு' என்று கூறியிருக்கலாம் என்று கருத வாய்ப்புள்ளது என்று பஜ்ரங் தல் சார்ந்த கிரிக்கெட் ரசிகர்கள் கூறுகின்றனர் !!!!

அனுமனின் கடாட்சம் சைமண்ட்ஸுக்கு பரிபூரணமாக இருந்த காரணத்தினாலேயே, அனுமன் அம்பயர் ரூபத்தில் சைமண்ட்ஸுக்கு உதவி புரிந்ததில், அவருக்கு இரண்டு "உத்தி" கிடைத்தது என்பதும் வெள்ளிடை !  இதைப் புரிந்து கொள்ளாமல், அறிவில்லாத அந்த மேட்ச் ரெஃப்ரி, ஹர்பஜனுக்கு தண்டனை வழங்கி, ஹனும பக்தர்களின் மனதை புண்படுத்தி விட்டார் என்று பஜ்ரங் தல் சார்ந்த கிரிக்கெட்
ரசிகர்கள் மேலும் கூறுகின்றனர் !!! 

2. இந்தியர்கள் குரங்கை கேவலமாகப் பார்ப்பதில்லை.  ராஜஸ்தானில் உள்ள குரங்குக் கோயிலைப் பற்றி கேள்விபட்டிருப்பீர்கள்.  அங்கு வரும் பக்தர்களின் உபயத்தில், அவ்விடத்தில் உள்ள குரங்குகள் சுகபோகமாக வாழ்கின்றன !  இதை சைமண்ட்ஸுக்கு எடுத்துரைக்க நமது அணியினர் தவறி விட்டதன் விளைவே, இந்தப் பிரச்சினைக்குக் காரணம் !

3. ஹர்பஜன் பஞ்சாபியில் கூறிய "மெனு கி" என்பது சைமண்ட்ஸுக்கு monkey என்று காதில் விழுந்தது, ஹர்பஜன் குற்றமா (அல்லது) பஞ்சாபி படிக்காத சைமண்ட்ஸின் குற்றமா ?  "மெனு கி" என்பதற்கு அர்த்தம் " எனக்கு என்ன?" (ஹிந்தியில் 'முஜே கியா'!)

4. பொதுவாகவே, குழந்தைகள் செய்யும் குறும்பை நாம் "குரங்குச் சேட்டை" என்று செல்லமாக பாராட்டுகிறோம் தானே ??? 

5. சமீபத்தில் டிவியில், அமெரிக்காவில்  (குரங்குகளுக்கும் குழந்தைகளுக்கும் இடையே) நடந்த ஒரு போட்டியைக் காட்டினார்கள்.  முதலில், கணினித் திரையில் தோன்றும் எண்களை, விரல்களால் தொட்டு வரிசைப்படுத்த வேண்டும், அடுத்த கட்டத்தில், திரையில் தோன்றி 2 நொடிகளில் மறைந்து விடும் எண்களை ஞாபகம் வைத்துக் கொண்டு வரிசைப்படுத்த வேண்டும்.  இப்போட்டியில், குரங்குகளே, எண்களை வரிசைப்படுத்த குறைந்த நேரம் எடுத்துக் கொண்டு, வெற்றி பெற்றன என்பது குறிப்பிட வேண்டியது !  எனவே, குரங்கை லேசாக எடுத்துக் கொள்ள வேண்டாம் :)

6. மனிதர்களுக்கு முன்பாகவே, கடல் மேல் ஒரு பாலத்தைக் (ராமர் சேது) கட்டியது வானர சேனை என்பதை மறந்து விடக் கூடாது !  இந்த மேட்டரை ஆஸ்திரேலிய வீரர்களுக்கு புரிய வைக்காதது தான்,  நாம் செய்த மாபெறும் தவறு !

7. குரங்கு நாம் செய்ததை நம்மை விடச் சிறப்பாக திரும்பச் செய்யும் திறன் பெற்றது !  ஹர்பஜனின் சுழல் பந்து வீச்சை நன்றாக கவனித்து, அது போலவே சைமண்ட்ஸ் 2வது இன்னிங்க்ஸில் பந்து வீசி, 3  விக்கெட்டுகளை கைப்பற்றி வெற்றிக்கு அடி கோலினார் :)  பின்னர், (ஒரு உவமானமாக!) 'குரங்கு' என்றால் அவர் கொதித்துப் போக வேண்டிய அவசியம் தான் என்ன ????  அது போலவே, சைமண்ட்ஸ் குரங்கு போல பாய்ந்து பந்து தடுப்பதில் வல்லவர் என்றும் எடுத்துக் கொள்ளலாமே!!  சைமண்ட்ஸை சிறந்த ஃபீல்டர் என்று ஜாண்டி ரோட்ஸே பாராட்டியிருக்கிறார், தெரியுமா ?

8. குரங்கு என்றால் இளக்காரமா ? "Dunston checks in" என்ற  ஹாலிவுட் படத்தில், ஒரு சிம்பன்ஸி குரங்கு சாதுர்யமாக பல வேலைகள் செய்வதைப் பார்த்திருக்கிறேன்.

9. சைமண்ட்ஸ் மற்றும் மேட்ச் ரெப்ரியின் நடவடிக்கைகளால், நம்மூர் ராம நாராயணன் மற்றும் தேவர் பிலிம்ஸ் தியாகராஜன் ஆகியோர் மனமுடைந்து போயிருக்கின்றனர் !!!  அவர்கள் படங்களில் கதாநாயகன் / நாயகிகளை பல சமயங்களில் இக்கட்டிலிருந்து குரங்குகள் தான் காப்பாற்றுவது போல காட்சிகள் வரும் :)

"குரங்கில்" இவ்வளவு மேட்டர் இருக்கும்போது, சரியா எதையும் விசாரிக்காம, நம்ம மேட்ச் ரெஃப்ரி இப்படி தடாலடியா ஹர்பஜனுக்கு தடை விதிக்கறது, கொஞ்சமாவது சரியா, சொல்லுங்க ???

எ.அ.பாலா

9 மறுமொழிகள்:

enRenRum-anbudan.BALA said...

Test :)

dondu(#11168674346665545885) said...

குரங்குத்தனமான பதிவுக்கு பாராட்டுகள்.

அனுமனுடன்,
டோண்டு ராகவன்

said...

Look at this (From some one's old post).
http://www.youtube.com/watch?v=YPp9pj-dbCA

enRenRum-anbudan.BALA said...

Raghavan Sir, Sabes,

nanRi :)

நண்பன் said...

அப்புறம்,

குரங்கு போல் நடித்துக் காட்டிய மியாண்டட் போலவா, ஹர்பஜன் 'குரங்குத் துள்ளல்' காட்டினார் ஆடுகளத்தில் என கேட்க மறந்து விட்டீர்களா?

ராம நாராயன் படம் பார்த்தது போலிருக்கிறது :)

வடுவூர் குமார் said...

அந்த குரங்கு இங்கே.

said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my site, it is about the CresceNet, I hope you enjoy. The address is http://www.provedorcrescenet.com . A hug.

said...

Live India Vs Australia 3rd One Day.


http://tv.haplog.com/sop.php?src=sop://broker.sopcast.com:3912/33407



Enjoy!!!தமிழ்.ஹப்லாக்.காம் Telugu.haplog.com Hindi.haplog.com Malayalam.haplog.com kannada.haplog.com music.haplog.com radio.haplog.com tv.haplog.com
(Tamil.Haplog.com)

enRenRum-anbudan.BALA said...

நண்பன்,
கருத்துக்கு நன்றி.
//ராம நாராயன் படம் பார்த்தது போலிருக்கிறது :)
//
:)))))

வடுவூர் குமார்,
வாங்க, நன்றி.

எ.அ.பாலா

நன்றி நண்பரே !

வருகை தந்தமைக்கு நன்றி! உங்கள் மேலான கருத்துக்களை எதிர்பார்க்கிறேன்!
Related Posts with Thumbnails